कराड ः कराड शहर पोलीस ठाणे हद्दीतील गहाळ झालेले तसेच चोरी झालेले मोबाईल असे एकूण 18 मोबाईल कराड शहर पोलिसांनी तांत्रिक तपासाचे आधारे शोधून काढले. त्या मोबाईल फोनचे नागरिकांना आज कागदपत्राची ओळख पटवून पोलिस ठाण्यात त्यांना परत करण्यात आले.
कराड शहर पोलीस ठाण्याच्या हद्दीत वर्षभरात ठिकठिकाणी अनेकांचे मोबाईल फोन गहाळ व चोरी गेले होते. त्याबाबत डीवायएसपी अमोल ठाकूर, वरिष्ठ पोलीस निरीक्षक प्रदीप सूर्यवंशी यांनी कराड शहर पोलीस ठाणेतील पोलीस हवालदार संग्राम पाटील यांना गहाळ झालेले तसेच चोरीच्या गुन्ह्यातील मोबाईल याचे सायबर पोलीस ठाणे यांचे मार्फतीने तांत्रित्रक तपासाचे आधारे शोध मोहिम राबवून जास्तीत जास्त मोबाईल फोन शोध घेण्याच्या सूचना दिल्या होत्या. त्याअनुषंगाने पोलीस हवालदार संग्राम पाटील, विजय मुळे, दिग्विजय सांडगे, मुकेश मोरे, अमोल देशमुख यांची एक टीम तयार करण्यात आली होती. त्यांनी सायबर पोलीस ठाणे सातारा यांच्या मदतीने सातारा, कोल्हापूर, सोलापूर, अहमदनगर, सांगली, पुणे, मुंबई, ठाणे, कर्नाटक, मध्यप्र्रदेश राज्यात शोध मोहिम राबवून चोरीस गेलेले मोबाईल ताब्यात घेतले. त्या मोबाईलचे आज डीवायएसपी अमोल ठाकूर, वरिष्ठ पोलीस निरीक्षक प्रदीप सूर्यवंशी यांचे उपस्थितीत मोबाईलच्या कागदपत्रांची ओळख पटवून मूळ मालकांना परत करण्यात आले.
सदर मोहिम डीवायएसपी अमोल ठाकूर, वरिष्ठ पोलीस निरीक्षक प्रदीप सुर्यवंशी, सहाय्यक पोलीस निरीक्षक अजय गोरड, विभूते, चेतन मछले, पोलीस उपनिरीक्षक राजू डांगे, प्र्रविण जाधव, जगदाळे, पोलीस हवालदार संग्राम पाटील, देशपांडे, विजय मुळे, प्रविण काटवटे, अमोल साळुंखे, कुंभार, सपना साळुंखे, अनिल स्वामी, मारूती लाटणे, दिग्विजय सांडगे, मुकेश मोरे, अमोल देशमुख, कपील आगलावे, प्रशांत वाघमारे, हेमंत महाले, धनाजी गोडसे यांनी सदरची कारवाई कामी मदत केली.
Tags
crime news Karad Satara
