कराड : कराड तालुका तहसीलदार या तहसील कार्यालयामध्ये शासकीय वेळेच्या नियमानुसार सकाळी हजर राहत नसल्याबाबत भ्रष्टाचार विरोधी जन आंदोलन न्यास चे तालुका अध्यक्ष प्रीतम हत्तेकर यांनी कराड तहसील कार्यालयासमोर आज सोमवार दिनांक 10 फेब्रुवारी पासून आमरण उपोषणास सुरुवात केली आहे.
त्यांनी दिलेल्या निवेदनात म्हटले आहे की, कराड तालुका तहसीलदार कल्पना ढवळे भंडारे या तहसील कार्यालयामध्ये कार्यालयीन कामकाजासाठी शासनाने केलेल्या आदेशातील वेळेनुसार तहसील कार्यालयामध्ये उपस्थित राहत नाहीत. कराड तालुक्यातील गोरगरीब नागरिक तहसील कार्यालय मध्ये तहसीलदार यांच्याकडे कामासाठी येत असतात त्या नागरिकांना तासनतास तहसीलदार यांची वाट पाहावी लागते. त्या शासकीय कार्यालयीन वेळेमध्ये कार्यालयात सकाळी उपस्थित नसतात याबाबत नागरिकांमध्ये मोठी चर्चा सुरू आहे. याचा त्रास सर्वसामान्य नागरिकांना सहन करावा लागतो.
कराड तहसीलदार या मगील दोन महिन्यांमध्ये कार्यालयीन कामासाठी तहसील कार्यालयात उपस्थित राहताना त्यांनी शासकीय आदेशातील वेळेनुसार तहसील कार्यालयात उपस्थित राहिले आहेत का याची तपासणी जिल्हाधिकाऱ्यांनी सीसीटीव्ही फुटेद्वारे करावी. तसेच तहसीलदार या कार्यालयातील सीसीटीव्ही फुटेज व सीडीआर मध्ये तांत्रिक बिघाड झाल्याचे कारण देऊ शकतात. कराड तहसीलदार या तहसील कार्यालयातून शासकीय कामासाठी तालुक्यातील भागात किंवा इतर ठिकाणी शासकीय कामासाठी गेले असतील तर त्यांनी तशा नोंदी हालचाल रजिस्टरला केले आहेत का याचीही चौकशी करण्यात यावी. कराड तहसीलदार या कामावरती उपस्थित होतांना बायोमेट्रिक प्रणालीचा वापर करतात का व बायोमेट्रिक प्रणाली वापरत नसतील तर शासनाच्या आदेशाचा भंग करतात का याचीही चौकशी करण्यात यावी. त्याचबरोबर बायोमेट्रिक प्रणाली याची चौकशी करण्यात यावी. नागरिकांच्यासाठी तक्रार नोंदवही ठेवलेली आहे का? तक्रार वही नोंद ठेवण्यात आली नसल्यास तात्काळ तक्रार नोंदवही ठेवण्यात यावी. तसेच कराड तहसीलदार यांनी तहसील कार्यालयात कामावरती उपस्थित राहण्याबबत शासनाने दिलेल्या आदेशानुसार कार्यालयीन वेळेचा तक्ता प्रथमदर्शनी लावलेला आहे का याचीही चौकशी करण्यात यावी. कार्यालयीन वेळेचा तक्ता लावलेला नसलेस तात्काळ प्रथमदर्शनी मोठा कार्यालयीन वेळेचा तक्ता लावण्यात यावा अशी मागणी निवेदनाद्वारे प्रीतम हत्तेकर यांनी केली आहे.
तसेच वरील सर्व मुद्द्यांची चौकशी करून योग्य ती कार्यवाही होत नाही तोपर्यंत कराड तहसील कार्यालयासमोर सुरू असलेले आमरण उपोषण बंद करणार नसल्याचा इशारा भ्रष्टाचार विरोधी जन आंदोलन न्यास चे कराड तालुका अध्यक्ष प्रीतम हत्तेकर यांनी दिला आहे.
