कराड ः कराड तालुका पोलीस ठाणे हद्दीतून गहाळ झालेले सुमारे चार लाख रूपये किमतीचे पंधरा मोबाईल कराड तालुका गुन्हे प्रकटीकरण शाखेने शोधून काढले. ते मोबाईल पोलीस निरीक्षक महेंद्र जगताप यांच्याहस्ते सोमवारी मोबाईलच्या मूळ मालकांना परत करण्यात आले.
कराड तालुका पोलीस ठाण्याच्या हद्दीतून मोबाईल गहाळ, चोरी होण्याच्या घटना वाढल्या होत्या. त्या अनुषंगाने पोलीस अधीक्षक समीर शेख, अप्पर पोलीस अधीक्षक आंचल दलाल यांनी सातारा जिल्ह्यातील सर्व पोलीस स्टेशनमधील अधिकारी यांना गहाळ, चोरी झालेले मोबाईलचा शोध घेणेबाबत सूचना दिल्या होत्या. त्यानुसार डीवायएसपी अमोल ठाकूर, पोलीस निरीक्षक महेंद्र जगताप यांचे सूचनेनुसार सहाय्यक पोलीस निरीक्षक अमित बाबर, पोलीस उपनिरीक्षक सचिन भिलारी, गुन्हे प्रकटीकरण शाखेचे नितीन येळवे, उत्तम कोळी, सज्जन जगताप, प्रफुल्ल गाडे, सचिन निकम यांनी बिहार, उत्तरप्रदेश राज्यातून तसेच महाराष्ट्रातील औरंगाबाद, अहमदनगर, सोलापूर, पुणे जिल्ह्यातून तांत्रिक विश्लेषणाद्वारे माहिती घेऊन मोबाईल फोन प्राप्त केले. ते फोन पोलीस निरीक्षक महेंद्र जगताप यांच्याहस्ते सोमवारी मूळ मालकांना परत करण्यात आले.
सदरची कामगिरी डीवायएसपी अमोल ठाकूर, पोलीस निरीक्षक महेंद्र जगताप यांचे मार्गदर्शनाखाली सहाय्यक पोलीस निरीक्षक अमित बाबर, पोलीस उपनिरीक्षक सचिन भिलारी, गुन्हे प्रकटीकरण शाखेचे पोलीस हवालदार नितीन येळवे, उत्तम कोळी, सज्जन जगताप, प्रफुल्ल गाडे, सचिन निकम यांनी केली.
