कराड : क्रीडा व युवकसेवा संचालनालय पुणे, महाराष्ट्र जिल्हा क्रीडा कार्यालय सातारा, सातारा ट्रॅडिशनल रेसलिंग असोसिएशन सातारा यांच्या संयुक्त विद्यमाने छत्रपती शिवाजी महाराज तालीम आखाडा कराड येथे मंगळवार दिनांक 4 फेब्रुवारी रोजी 19 वर्षे वयोगटातील मुले व मुली यांची बेल्ट रेसलिंग व मास रेसलिंग शालेय जिल्हास्तरीय स्पर्धा आयोजित करण्यात आल्या होत्या. या स्पर्धेसाठी बहुसंख्येने स्पर्धक उपस्थित होते.
रोटरी शिक्षण संस्थेचे सचिव विलासराव पाटील, स्टेट ट्रॅडिशनल रेसलिंग असोसिएशन महाराष्ट्र चे उपाध्यक्ष गणेश पवार, शहाजी पाटील सर, पैलवान संतोष शेवाळे, अशोक माने, योगेश पाटील आदी मान्यवर उपस्थित होते.
यातील विजयी स्पर्धकांची शालेय बेल्ट रेसलिंग व मास रेसलिंग विभागीय स्पर्धेसाठी निवड झालेली आहे. तसेच शालेय विभागीय बेल्ट रेसलिंग व मास रेसलिंगच्या स्पर्धा दिनांक गुरुवार दिनांक 6/2/2025 रोजी छत्रपती शिवाजी तालीम आखाडा कराड येथे पार पडणार आहेत.
या स्पर्धेतून विजयी स्पर्धकांची शालेय बेल्ट रेसलिंग व मास रेसलिंगच्या राज्यस्तरीय स्पर्धेसाठी निवड होणार आहे.
