कराड ः ऊसतोड मजुराच्या 12 जोड्या देतो असे सांगुण ट्रॅक्टर मालकांची 10 लाख 25 हजार रुपयांची फसवणुक केल्याप्रकरणी नंदुरबार जिल्ह्यातील दोन ऊसतोड मजुर टोळी मुकादमांवर तालुका पोलिस ठाण्यात गुन्हा दाखल करण्यात आला आहे. रमेश सरदार भिल्ल-पावरा (वय 37, रा. कात्रा राजवाडी, अकरणी-नंदुरबार) व दोन्ह्या माध्या पावरा (रा. तेलखेडी मांडवी बु. अकरणी, नंदुरबार) अशी गुन्हा दाखल झालेल्यांची नावे आहेत.
याबाबत राहुल रघुनाथ ताटे (रा. तांबवे, ता. कराड) यांनी कराड ग्रामीण पोलिसात फिर्याद दिली आहे.
याबाबत पोलिसांनी दिलेली माहिती अशी, राहुल ताटे यांचे दोन ट्रॅक्टर आहेत. त्यांना यंदाच्या ऊसतोड हंगामात साखर कारखान्यांना ऊस तोडीसाठी मजुर हवे होते. त्यादरम्यान त्यांना रमेश भिल्ल-पावरा व दोन्ह्या पावरा या दोन टोळी मुकादमांनी मजुर देतो असे सांगीतले. त्या दोन मुकादमांनी ऊसतोड मजुरांच्या 12 जोडया देण्यासाठी राहुल ताटे यांना सांगीतले. त्यानंतर त्यांनी ताटे यांच्याकडे पैशांची मागणी केली. त्यानुसार ताटे यांनी संबंधित दोघांच्या नावावर टप्याट्याने रोख, एनईएफटी, गुगल पे व ऑनलाईन 10 लाख 25 हजार रुपये पाठवले. त्यांनी मजुर पाठवण्यासाठी करारही करुन ताटे यांना मजुर लवकरच येतील असे सांगीतले. मात्र मजुर आलेच नाही. त्यानंतर त्यांनी संबंधित दोन मुकादमांकडे कधी मजुर येतील अशी वारंवार विचारणा केली. मात्र त्यांनी मजुर पाठवले नाहीत. त्याचबरोबर संबंधित दोन मुकादमांनी फोनही उचलणे बंद केले. त्यामुळे ताटे यांच्या त्यांची फसवणुक झाल्याचे लक्षात आले. त्यावरु त्यांनी तालुका पोलिस ठाण्यात संबंधित दोन मुकादमांविरोधात 10 लाख 25 हजार रुपयांच्या फसवणुकीची तक्रार दिली आहे. त्यावरुन पोलिसांनी संबंधित दोघांविरोधात गुन्हा दाखल केला आहे. पोलिस पुढील तपास करत आहेत.
